Ministri i Punëve të Brendshme të Serbisë, Aleksandar Vulin ka reaguar duke iu përgjigjur deputetit shqiptar në Kuvendin e Serbisë, Shaip Kamberi, i cili kritikoi vendimin e Gjykatës së Lartë për Vulin dhe tha se Beogradi ka legalizuar termin ofendues “šiptari”.
Vulin u shpreh se fjala “šiptari” nuk është ofenduese, por është një sinonim i fjalës shqiptar, dhe sipas tij, Kamberi duhet të ndalojë së mësuari serbët se si duhet të flasin.
Në vijim të fjalës së tij, Vulin tha se sot kishte pritur t’ia thoshte në sy Kamberit, por ky i fundit nuk ishte në parlament.
Vulin thotë se nuk po i kupton shqiptarët se pse e kanë problem t’i thërrasin si i quante gjyshi ose stërgjyshi i tyre.