Nikolin Huba, personi që shikoni dhe në foto, ka mbetur i plagosur paraditen e sotme në Shkodër, shkruan newsbomb.al. Ai ka marrë dy plumba në këmbë, ndërsa rrethanat e ngjarjes mbeten të paqarta.
Mësohet se 54 vjeçari drejt të cilit është qëlluar me armë zjarri, është ish-kryetar i Partisë Socialiste në Vaun e Dejës. Nga Policia e Shkodrës bëhet me dije se ngjarja ka ndodhur rreth 10:15, në afërsi të shkollës Pyjore.
Nikolin Huba është dërguar në Spitalin e qytetit dhe ndodhet jashtë rrezikut, por vazhdon të jetë në mbikqyrjen e mjekëve dhe po merr ndihmë mjekësore.
Shkodër/Informacion paraprak
Më datë 04.09.2021, rreth 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi N. H., 54 vjeç, banues Vau Dejës.
Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit. Grupi hetimor nën drejtimine Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.