Lojëra me letra, volejboll, ushqim bio, plazh me bikini e me bluza të PS-së, takime me më ‘’të rriturit në PS’’ dhe në darkë disko e hapur në natyrë. Ky ka qenë aktiviteti i FRESSH-istëve në 6 ditët në Jalë. Të rinjtë udhëtuan me skafe, duke valëvitur flamurin e partisë duke organizuar brenda kampit edhe konkurs bukurie. Video ku dominon kreu i FRESSH-it Artur Micko, është publikuar pak minuta më parë.
“Në kampin veror "fresshTRsummercamp" 2015, ku morën pjesë më shumë se 700 të rinj nga qyteti i Tiranës dhe kjo ishte një mundësi e mirë për të gjithë pjesmarrësit që përveçse të kalonin disa ditë në një nga plazhet më të bukura të Shqipërisë, të angazhoheshin dhe ne aktivitete të ndryshme me karakter social”, shkruajnë të rinjtë socialistë në promovimin e klipit.
FRESSH-istët i vizituan Edi Rama, Pandeli Majko, Sajmir Tahiri, Damian Gjiknuri, Erion Veliaj, Artan Lame, Blendi Klosi etj. Por ata edhe pastruan nga plehrat fshatrat në jug me Agjencinë Kombëtare të Bregdetit.
Në fund të ditës, lëshimi i dëshirave në qiell, simbolizuar me balonat e vogla me zjarr dhe më pas gjumë në çadra…