Një ngjarje e rëndë ka ndodhur mesditën e sotme në qytetin e Elbasanit. Burime për mediat bëjnë me dije se ngjarja ka ndodhur në hyrje të Kalasë së Elbasanit, ku disa persona janë përfshirë në një sherr.
Si pasojë ka mbetur i plagosur një prej tyre, identiteti i të cilit ende nuk është bërë me dije për mediat. Menjëherë ai është dërguar drejt spitalit të qytetit dhe fatmirësisht ndodhet jashtë rrezikut për jetën.
Shkak i sherrit është bërë një konflikt i çastit, për motive të dobëta, shtetasi me inicialet E. I., 41 vjeç ka goditur me dorezë metalike, shtetasin me inicialet M. K., 60 vjeç, dhe më pas është larguar.
Shërbimet e Policisë vijojnë kontrollet për kapjen e shtetasit me inicialet E. I. Ndërkaq, 60-vjeçari po merr ndihmë mjekësore në spitalin e Elbasanit dhe është jashtë rrezikut për jetën.
Ndërkohë, në vendin e ngjarjes kanë shkuar efektivët e Policisë të cilët po punojnë për zbardhjen e plotë të ngjarjes.
Sondazh
Lexo gjithashtu
