Një 20-vjeçar është plagosur me thikë këtë të mërkurë në Durrës. Ngjarja ka ndodhur në lagjen nr.17 tek stacioni i trenit, ku i riu ka marrë plagë të rënda pas një konflikti të çastit.
Mësohet se i plagosuri ndodhet në gjendje të rëndë dhe momentalisht ndodhet në sallën e operimit në Spitalin Rajonal të Durrësit.
Deri më tani nuk dihen shkaqet e plagosjes, ndërkohë Policia ka mbërritur në vendngjarje dhe po punon për kapjen e autorit.