Moderatorja e njohur Arbana Osmani çdo të shtunë prezanton emisionin "Dua të të bëj të lumtur".
Në edicionin e radhës duket se ka ndodhur diçka e pazakontë, pasi është dashur edhe ndërhyrja e policisë.
Në promon e emisionit është transmetuar historia e dy të rinjve të dashuruar, të cilët nuk mund të jenë me njëri-tjetrin.
Teksa mban unazën në duar, atij i dridhen edhe duart teksa pret përgjigjen e vajzës që dashuron.
Familjarët e vajzës janë të gjithë kundër dhe ajo duhet të marrë një vendim nëse do të pranojë propozimin e djalit që dashuron dhe të përballet me familjen, apo ta refuzojë atë.
“U del përballë ti të gjithëve nëse unë të them po?”, dëgjohet t’i thotë vajza teksa i riu i propozon në studio.
Në fund të videos vihet re se situata ka agravuar aq keq sa në studion e Top Channel-it ka mbërritur dhe policia.