Një sherr mes 4 personash ka ndodhur në mes të rrugës në qytetin e Durrësit, raporton newsbomb.
Në videon e siguruar nga newsbomb, shihet se 4 persona po bëjnë sherr në mes të rrugës, ndërsa e vetmja që mundohet t'i ndajë është një grua, që raportohet se është e afërmja e njërit prej burrave që ishin pjesë e sherrit.
Edhe qarkullimi në njërën anë të rrugës është bllokuar, për shkak se personat e përfshirë në sherr i kanë lënë makinat në mes të rrugës.
Sherri ka ndodhur për arsye banale, dhe shkaku ka qenë një parakalim i gabuar i njërit prej personave, që nuk është pritur mirë nga shoferi tjetër.
Pasi janë konfliktuar të gjithë personat e përfshirë në sherr janë larguar me makinat e tyre, pa u ndaluar nga policia.