Gjykata e Pogradecit ka dhënë masën e sigurisë për 5 personat, që akuzohen si përkrahës të autorit në ngjarjen e Pogradecit, ku mbeti i plagosur Joan Muçllari.
Bëhet me dije se është dhënë masa “arrest me burg” Fatjon Bono, Kristian Kresto, Hekuran Gjona, Ledion Shkullaku dhe Rudi Shaho.
Në gjykatë ka pasur prezencë të lartë të qytetarëve pasi janë mbledhur familjarët e të arrestuarve.
Në kërkim janë shpallur Firdeus Berberi. dhe Griseld Manxhari, të cilët janë shpallur në kërkim për veprat penale “Vrasja me dashje”, kryer në bashkëpunim, mbetur në tentativë, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.
Personat e arrestuar akuzohen se kanë përkrahur autorët në këtë ndarje, ndërsa dy të tjerë të dyshuar si autorë janë shpallur në kërkim.
Kujtojmë që pak ditë më parë dy autorët, Firdeus Berberi, 21 vjeç dhe Griseld Manxhari, i zunë pritë Muçllarit dhe e qëlluan me plumb në këmbë dhe me thikë në kokë.
Joan Muçllari është transportuar në spitalin e Traumës në Tiranë ku po merr mjekim të specializuar.
Familja Muçllariu ka qenë edhe herë të tjera pjesë e disa sulmeve, ku persona të paidentifikuar kanë hapur zjarr me kallashnikov ndaj hotelit në pronësi të tyre në Tushemisht në vitin 2020.
Njoftimi i policisë së Pogradecit: