Një 17 vjeçar ka mbetur i plagosur me thikë në Sukth.
I riu është dërguar me urgjencë në spital dhe është nën kujdesin e mjekëve.
I plagosur ka mbetur Elvis Zira. Autori i dyshuar i ngjarjes është M.I., dhe policia është vënë në ndjekje të tij.
"Më datë 22.09.2020, rreth orës 15:30, në Sukth, pas një konflikti të çastit, është goditur me mjet prerës (thikë), shtetasi E.Z.,17 vjeç, i cili është dërguar në spital nën kujdesin e mjekëve.
Autori i dyshuar i ngjarjes dyshohet se është shtetasi M.I., dhe shërbimet e Policisë janë vënë në ndjekje të tij.
Grupi hetimor ndodhet në vendngjarje dhe po punon për zbardhjen e ngjarjes", thotë policia.