Hapësire reklamuese

Aktualitet

Pjesë e Gjykatës në New York, me flamurin kuqezi shkodrania falenderon shqiptarët

Shkruar nga Newsbomb

Profesoresha dhe avokatja, Edita Shkreli, fitoi më 7 nëntor zgjedhjet për të qenë gjyqtarja e parë shqiptare në Gjykatën e New York-ut.

Përmes një postimi në “Facebook”, Shkreli ka ndarë me ndjekësit lajmin e fitores së saj si dhe ka falenderuar të gjithë shqiptarët kudo ku janë për vlerësimin që i kanë bërë.

“Jam shumë e lumtur që ndaj me Ju lajmin e fitores time në zgjedhjet e përgjithshme të datës 7 Nëntor 2023.  Ju shprehi falenderimet e mia të përzemërta të gjithëve Ju bashkëatdhetarëve të mij në të gjitha trojet Shqiptare dhe kudo që ndodheni për vlerësimin që më keni ba si gjykatëse, gjykatësja e parë Shqiptare në Neë York”, shkruan Shkreli krah fotos së flamurit kuqezi.

Postimi i Shkrelit Postimi i Shkrelit

Edita Shkreli fitoi zgjedhjet e përgjithshme speciale për Gjykatën Civile të New York-ut në Qarkun e Parë të Gjykatës Komunale të Bronx-it, nga radhët e Partisë Demokratike në Shtetet e Bashkuara të Amerikës. Duke u bërë kështu shqiptarja e parë që arrin të fitojë një vend kaq të rëndësishëm në Gjykatë.

Ajo ka lindur në Shkodër dhe emigroi në Amerikë me prindërit e saj kur ishte vetëm 13 vjeç. Babai i saj, Ing. Skender Shkreli, ka drejtuar ndërtimin e rrugëve, urave, uzinave dhe hidrocentraleve kudo nëpër Shqipëri, ndërsa nëna e saj, Elida Shkreli, ka punuar ekonomiste e qarkullimit monetar në Bankën e Shtetit Shkodër, sot Banka Kombëtare Tregtare.

LEXO EDHE: Shkodrania Edita Shkreli, shqiptarja e parë që bëhet gjyqtare në New York

Në vitin 2011, Edita Shkreli përfundoi studimet e avokaturës në “New York Laë School” duke u diplomuar si “Juris Doctor, Cum Laude”. Niveli i lartë i formimit që ajo kishte, bëri që Edita të kalonte që në herën e parë një ndër provimet më të vështira të licensimit, provimin e Shtetit të Neë York (“bar exam”).

Shkreli jep kontributin e saj si anëtare pranë Bronx Community Board si dhe anëtare e bordi-t të organizatave jofitimprurëse, Neighborhood Initiatives Development Inc. dhe Albanian-American Educators Association.

 

Sondazh

Poll

Lexo gjithashtu

Hapësire reklamuese