Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, është shkarkuar sot nga detyra nga vettingu. Trupa e Komisionit të Pavarur të Kualifikimit (KPK), e shpalli sot vendimin për sulajn, ndërsa më herët kishte ngritur pikëpyetje mbi pasurinë dhe profesionalizmin.
Komisioni i Pavarur i Kaualifikimit e vlerësoi pozitivisht subjektin për sa i përket pastërtisë së figurës.
Rivlerësimi i inspektores së ILD-së po kryhet nga trupi gjykues i KPK-së i kryesuar nga Roland Ilia, me relatore Pamela Qirkon dhe anëtare Etleda Çiftjan. Në cilësinë e vëzhguesit ndërkombëtar ishte i pranishëm Tomçi Petkoviç.
Sulaj e ka filluar karrierën në vitin 2004 si prokurore në Prokurorinë e Rrethit Gjyqësor Kavajë. Në vitin 2008 ajo është transferuar në Prokurorinë e Tiranës.