Ndihmës Sekretari Amerikan për Çështjet Evropiane dhe Euroaziatike, Philip T. Reeker do të vizitojë nesër Shqipërinë.
Zyrtari i Lartë i DASH do të takohet me drejtuesit më të lartë të politikës në vend, me kryeministrin Edi Rama për të diskutuar marrëdhëniet SHBA – Shqipëri dhe fusha të tjera të interesit të ndërsjellë.
Gjatë qëndrimit në Tiranë, zyrtari amerikan do të takohet edhe me kreun e Partisë Demokratike, Lulzim Basha në selinë blu.
Burime për mediet bëjnë me dije se Reeker pas përfundimit të vizitës në vendin tonë, më 1 korrik do të udhëtojë për një vizitë zyrtare drejt Maqedonisë së Veriut për të marrë pjesë në Konferencën “Rruga drejt Prespës”.
Nga Ohri diplomati i SHBA do të theksojë mbështetjen amerikane për dialogun e vazhdueshëm dhe bashkëpunimin drejt stabilitetit dhe progresit në mbarë rajonin.
Po në Ohër, ai do të takohet me kryeministrin maqedonas Zoran Zaev, Ministrin e Jashtëm Osmani dhe zyrtarë të tjerë të lartë për të diskutuar rreth prioriteteve të përbashkëta për Ballkanin Perëndimor.