Pësoi arrest kardiak gjatë ndeshjes, UEFA jep informacion për gjendjen e Christian Eriksen

Mesfushori i Danimarkës dhe ekipit italian të Interit, Christian Eriksen ndodhet në spital në Kopenhagen pasi pësoi arrest kardiak gjatë ndeshjes kundër Finlandës.

Eriksen u shemb në fushë gjatë lojës në pjesën e parë të ndeshjes, ndërsa ekipet e ndihmës së shpejtë ushtruan masazh kardiak.

Ishin momente paniku dhe shqetësimi te lojtarët e të dy ekipeve dhe miliona sportdashës në mbarë botën.

UEFA tashmë ka dhënë informacion mbi shëndetin e lojtarit. “Eriksen është transferuar dhe stablizuar në spital”, janë shprehur zyrtarët e UEFA.

Edhe Federata Daneze e Futbollit njofton se Eriksen është stabilizuar në spital dhe tashmë pret kryerjen e testimeve të mëtejshme.

Federata Shqiptare e Futbollit ka reaguar:

_{“E gjithë Federata Shqiptare e Futbollit, ekipi kombëtar dhe të gjithë tifozët tanë luten për Christian Eriksen”.}

LEXO EDHE: TMERR në Kampionatin Europian, futbollisti danez Eriksen bie pa ndjenja, mjekët i bëjnë masazh kardiak për ta kthyer në jetë