Hapësire reklamuese

Aktualitet

Peshkatari ra në kontakt me korentin dhe ndërroi jetë, policia jep DETAJET

Shkruar nga Newsbomb

Foto ilustruese

Një 32-vjeçar humbi jetën në Lezhë, teksa po peshkonte dhe ra në kontakt me energjinë elektrike. Burime nga policia bëjnë me dije se ditën e sotme rreth orës 17:15 është marrë njoftim tek Salla Operative, se në Shënkoll, një shtetas ka humbur jetën si pasojë e kontaktit me rrymën elektrike.

Në vendngjarje kanë mbërritur shërbimet policore që kanë konstatuar se shtetasi L.B. 32 vjeç, banues në Tiranë , ka qenë duke peshkuar tek një kanal në Shënkoll, dhe kallami me të cilin peshkonte ka rënë në kontakt me një kabull të energjisë elektrike.

32-vjeçari është dërguar menjëherë në Spitalin Rajonal të Lezhës, por ka ndërruar jetë.

Grupi hetimor në bashkëpunim me Prokurorinë e Rrethit Gjyqësor Lezhë , ndodhen në vendngjarje e po hetojnë për sqarimin e plotë të rrethanave.

Sondazh

Poll

Lexo gjithashtu

Hapësire reklamuese