Nata e së dielës i ka bërë bashkë në një tavolinë liderët e Kosovës dhe kryeministrin Edi Rama.
Presidenti i Kosovës, Hashim Thaçi, i ka ftuar për një darkë në shtëpinë e tij të re, në periferi të Prishtinës, kryeministrin e Kosovës, Ramush Haradinaj; kryetarin e Kuvendit të Kosovës, Kadri Veseli; dhe zëvendëskryeministrat e Kosovës, Fatmir Limaj e Behgjet Pacolli.
Ata shihen duke pozuar të buzëqeshur, në një fotografi që e ka publikuar në Instgram, Rama të cilën e ka cilësuar si “Insta of the day”.
Takimi mes krerëve të shtetit dhe mysafirit nga Tirana vijnë pas përplasjeve mes liderëve të koalicionit qeverisës në Kosovë për taksën ndaj Serbisë e Bosnjës, por edhe pas përplasjeve të vazhdueshme mes shefit të ekzekutivit kosovar dhe të parit të shtetit, për çështjen e kufirit.
Duke marrë shkas nga tensionet në Kosovë, kryeministri Edi Rama është vënë në krye të tavolinës, si duket ka marrë rolin e “babait”.