Hapësire reklamuese

Aktualitet

Ndarja nga jeta e Gjon Lulgjuraj, Meta shpreh ngushëllimet

Shkruar nga Newsbomb
Ndarja nga jeta e Gjon Lulgjuraj, Meta shpreh ngushëllimet

Presidenti Ilir Mta ka shprehur ngushëllimet për ndarjen nga jeta të Gjon Lulgjuraj, personalitet i shquar i komunitetit shqiptar në Shtetet e Bashkuara të Amerikës, kryetar i Organizatës 75-vjeçare shqiptaro-amerikane AANO.

Me anë të një postimi në rrjetet sociale, Meta i shpreh ngushëllime familjes, teksa shkruan se ikja nga jeta parakohe e Gjon Lulgjurajt është një humbje e madhe.

Gjon Lulgjuraj është ndarë nga jeta më 12 gusht.

“Me hidhërim mora lajmin për ndarjen e parakohshme nga jeta të z.Gjon Lulgjuraj, personalitet i shquar i komunitetit shqiptar në Shtetet e Bashkuara të Amerikës, kryetar i Organizatës 75-vjeçare shqiptaro-amerikane AANO.

Ideator dhe realizues për tre dekada të radio programit të parë në gjuhën shqipe për diasporën shqiptare në Miçigan dhe në Florida, ai spikati si aktivist i palodhur në shërbim të çështjes kombëtare dhe forcimit të lidhjeve shqiptaro-amerikane.

Vdekja e parakohshme e Gjon Lulgjurajt, është një humbje e madhe dhe e pazëvëndësueshme jo vetëm për familjen e tij, por edhe për mbarë komunitetin shqiptaro-amerikan, të cilëve ju shpreh ngushëllimet më të thella.

Personalitete si Gjon Lulgjuraj, me punën, kontributin dhe veprën e tyre jetësore, i kanë bërë dhe i bëjnë nder kombit tonë.

I paharruar kujtimi dhe të prehet në paqe! ????” shkruan Meta.

Lexo gjithashtu

Sondazh

Poll