Hapësire reklamuese

Aktualitet

Persona të armatosur i bënë “pritë” efektivit, Policia: E pavërtetë

Shkruar nga Newsbomb
Persona të armatosur i bënë “pritë” efektivit,

Mëngjesin e kësaj të marte me shpejtësi në media qarkulloi lajmi se në Laç pati të shtëna me armë zjarri, ku persona të armatosur i bënë “pritë” një efektivi policie, i cili si pasojë mbeti i plagosur.

Media të ndryshme, mbajtën versione të ndryshme, fillimisht u raportua se ngjarja ndodhi në lagjen “Sanxhak” në Laç, ndërsa më pas u tha se në një fshat të Kurbinit. Më pas u tha se ngjarja ndodhi përgjatë orëve të natës pas një tentativë grabitje nga dy autorët, të cilët ishin të maskuar.

Marrë shkas nga mospërputhshmëria e detajeve, Newsbomb.al kontaktoi me Policinë e Shtetit të cilët hodhën poshtë lajmin që ka qarkulluar mëngjesin e sotëm.

Burime pranë policisë kanë bërë me dije se ky lajm është i pavërtetë dhe se nuk ka patur të shtëna me armë ashtu si dhe është raportuar më herët.

Sondazh

Poll

Lexo gjithashtu

Hapësire reklamuese