Drejtoria e Përgjithshme e Tatimeve reagon për përplasjen me "Focus Media", një kompani e zotëruar nga biznesmeni i njohur Irfan Hysenbelliu. Tatimet thonë se janë gjendur nën një sulm të paprecedent mediat, nga mediat e Hysenbelliu, për një detyrim që kompanitë e tij i kanë shtetit në vlerën e 266 milionë lekëve. Ditët e fundit kompania "Focus Media" është gjobitur për shmangie të detyrimeve tatimore në vlerën e 20 milionë lekëve të reja. Mirëpo, biznesmeni Irfan Hysenbelliu e ka konsideruar gjobën një "fushatë gjobash" nga institucionet shetërore me urdhër të kryeministrit Edi Rama. Drejtoria e Tatimeve thotë se më datë 6 shkurt 2023 është njoftuar nga Drejtoria e Parandalimit të Pastrimit te Parave përmes shkresës Nr.3723/45 dt.06.02.2023 për një transaksion të kryer nga shoqëria "Albecorp" shpk në pronësi të Hysenbelliu. Pasi janë bërë verifikimet përkatëse dhe i është kërkuar informacion vetë kompanisë në fjalë dhe zotit Ifran Hysenbelliu. "Nga veprimet analizuese paraprake në bazë të informacionit të ardhur nga DPPP, rezulton se kemi të bëjmë me mosdeklarim të të ardhurave të shoqerise, duke shmangur detyrimet tatimore. Shoqëria "Albecorp" shpk nëpërmjet mosdeklarimit të të ardhurave përllogaritet t’i ketë shkaktuar shtetit një dëm potencial prej 108 milion lekë tatime të shmangura. Vlera aktuale e përllogaritur që Shoqëria i detyrohet shtetit është 266 milion lekë", thuhet në reagimin e Drejtorisë së Tatimeve, të cilin më poshtë e gjeni dhe të plotë. Ndërkohë, më datë 1 Mars 2023, Zyra e shtypit e grupit të kompanive Hysenbelliu, i cila ka në pronësi Focus Media i është përgjigjur redaksisë së BIRN për gjobat e majme të Tatimeve. Sipas kompanisë në fjalë, gjobat e majme ishin vendosur për shkak të linjës së tyre editoriale, kritike me qeverinë. “Gjoba prej 20 milionë lekësh të reja që Tatimet i kanë vendosur televizionit Neës24 është vetëm maja e ajsbergut e një fushate 9 mujore që agjencitë qeveritare si IKMT, Drejtoria e Tatimeve dhe Doganave kanë ndërmarrë ndaj të gjitha kompanive të Hysenbelliu Group, pronar i mediave Neës24, BallkanËeb dhe Panorama,” deklaroi konglemerati me investime në media, ndërtim, turizëm dhe industrinë ushqimore. Në një reagim të plotë të grupit të kompanive Hysenbelliu, të cilin gjithashtu e gjeni të plotë në fund të këtij artikulli, bashkë me reagimin e Drejtorisë së Tatimeve, theksohet se gjatë muajve të fundit agjencitë shtetërore kanë vendosur 17 milionë euro gjoba ndaj tyre.

Reagimi i plotë - Drejtoria e Përgjithshme e Tatimeve

Drejtoria e Përgjithshme e Tatimeve kërkon të sqarojë opinionin publik, se kohët e fundit është gjendur përpara një sulmi me lajme të pavërteta, pa asnjë barriere etike profesionale, nga mediat e shtetasit Irfan Hysenbelliu. E gjitha kjo situatë vjen si pasojë e evidentimit nga ana e Administratës Tatimore e një rasti tjetër evazioni, këëtë rradhë nga Shoqëria "Albecorp" shpk, në pronësi të z.Hysenbelliu, shoqëri e cila ka  shmangur detyrimet tatimore për vitet 2016 – 2017, duke i shkaktuar shtetit një dëm prej 266 milion lekësh. Drejtoria e Përgjithshme Tatimeve dëshiron të sigurojë të gjithë qytetarët se do të vijojë të kryejë me përpikmëri misionin e saj në zbatim të ligjit dhe nuk do të stepet përballë asnjë sulmi që kërkon të intimidojë punonjësit dhe drejtuesit e DPT. Lidhur me rastin e shoqërisë "Albecorp" shpk, në pronësi të shtetasit Irfan Hysenbelliu, Administrata Tatimore është njoftuar nga Drejtoria e Parandalimit të Pastrimit te Parave përmes shkresës Nr.3723/45 dt.06.02.2023 për një transaksion të kryer nga kjo shoqëri. Nga informacioni i përcjellë rezulton se në llogarinë e shoqerisë "Albecorp" shpk në bankën Raiffeisen në periudhën Mars 2016 - Maj 2017 është kredituar shuma 605,991,973 lekë, si pagesë për ekzekutimin e Vendimit të Gjykates Nr.3535, datë 17.03.2014 dhe vendimit Nr.2147 datë 03.11.2015. Këto fonde më pas u janë shpërndarë disa shoqërive të tjera, sërish në pronësi të shtetasit Irfan Hysenbelliu. Nga verifikimi i bilanceve të shoqërisë "Albecorp" shpk nuk rezulton të jenë deklaruar të Ardhura për vitet 2016-2017, ndërkohë që nga verifikimi i kryer në QKB rezulton se statusi i shoqërisë është "Pezulluar" në datën 23.05.2017. Administrata Tatimore me shkresën Nr.2948, datë 24.02.2023 me objekt "Kërkesë për informacion dhe dokumentacion" i është drejtuar shoqërisë “Albecorp” shpk lidhur me vendimin e gjykatës, pasqyrat financiare, pagesat e detyrimeve tatimore, dokumentacionin për huadhëniet tek individë apo shoqëri të tjera. Po ashtu me shkresën Nr.2948, dt.24.02.2023 me objekt "Kërkesë për informacion dhe dokumentacion" i është drejtuar edhe z.Irfan Hysenbelliu, pronar me 100% të aksioneve të kësaj shoqerie, për të marrë të njëjtin informacion. Nga veprimet analizuese paraprake në bazë të informacionit të ardhur nga DPPP, rezulton se kemi të bëjmë me mosdeklarim të të ardhurave të shoqerise, duke shmangur detyrimet tatimore. Shoqëria "Albecorp" shpk nëpërmjet mosdeklarimit të të ardhurave përllogaritet t’i ketë shkaktuar shtetit një dëm potencial prej 108 milion lekë tatime të shmangura. Vlera aktuale e përllogaritur që Shoqëria i detyrohet shtetit është 266 milion lekë.

Reagimi i "HYSENBELLIU GROUP" dhënë për BIRN

Zyra e shtypit e grupit të kompanive Hysenbelliu, i cila ka nën pronësi Focus Media, duke iu përgjigjur interesit të BIRN tha në një përgjigje me shkrim se kjo gjobë ishte pjesë e një fushate gjobëvënëse të zyrave të ndryshme të qeverisë me shënjestër këtë media, për shkak të qëndrimit të saj kritik ndaj qeverisë. “Gjoba prej 20 milionë lekësh të reja që Tatimet i kanë vendosur televizionit Neës24 është vetëm maja e ajsbergut e një fushate 9 mujore që agjencitë qeveritare si IKMT, Drejtoria e Tatimeve dhe Doganave kanë ndërmarrë ndaj të gjitha kompanive të Hysenbelliu Group, pronar i mediave Neës24, BallkanËeb dhe Panorama,” deklaroi konglemerati me investime në media, ndërtim, turizëm dhe industrinë ushqimore. “Tatimet dhe Doganat kanë ushtruar kontrolle selektive gjatë 9 muajve të fundit te Birra Tirana dhe birra Korça, ku janë vendosur rreth 6 milionë euro gjoba në këto 2 kompani,” shtoi kompania, ndërsa theksoi “se gjatë 30 viteve në veprimtari biznesi, kompanitë e Hysenbelliu group nuk janë gjobitur as me 0.1% të vlerës së këtyre gjobave të mara 9 muajt e fundit. Hysenbelliu Group akuzoi drejtpërdrejtë kryeministrin Edi Rama si përgjegjës dhe urdhërues i gjobave. “Është e qartë se kjo fushatë gjobash historike, me vlerë marramendëse prej mbi 17 milionë eurosh nga agjencitë qeveritare, është ndërmarrë me urdhër direkt të kryeministrit Rama, si hakmarrje ndaj linjës editoriale të mediave Neës24, Balkanëeb dhe Panorama,” përfundoi deklarata. Ndërkohë, të njëjtin qëndrim ka mbajtur edhe drejtori i informacionit në televizionin Ora Neës, Brahim Shima i cili tha se gjoba ishte një përpjekje tjetër për të mbyllur këtë kanal televiziv ndërsa nënvizoi që kompania ka qenë nën administrim shtetëror gjatë kohës kur supozohet se ka kryer evazion fiskal.