Dy makina janë përplasur mesditën e sotme në Përrenjas.
Nga përplasja e automjeteve dyshohet të kenë mbetur dy persona me shtetësi maqedonase të plagosur.
Ende nuk bëhet me dije identiteti i të plagosurve, ndërsa raportohet se të dy janë dërguar në spital për të marrë ndihmën e duhur mjekësore.
Siç shihet edhe nga fotot, njëra prej makinave ka përfunduar në kanal dhe është rënduar qarkullimi i automjeteve të tjera.
Ndërkaq, policia ka mbërritur menjëherë në vendin e ngjarjes dhe ka hapur hetimet për zbardhjen e plotë të shkaqeve.