Të paktën tre persona kanë vdekur dhe një është zhdukur pasi qyteti më i madh i Zelandës së Re përjetoi reshje të dendura të shiut.
Në Auckland është shpallur një gjendje e jashtëzakonshme lokale pasi autoritetet menaxhuan evakuimet dhe përmbytjet e përhapura.
Kryeministri i Zelandës së Re Chris Hipkins falënderoi shërbimet e urgjencës për reagimin e tyre të shpejtë ndaj katastrofës. Kryeministri i ri udhëtoi për në Auckland, ku shprehu edhe ngushëllimet e tij për të dashurit e të vdekurve nga përmbytjet.
Reshjet përmbytën aeroportin, zhvendosën shtëpitë dhe rezultuan në ndërprerje të energjisë elektrike në shtëpi për orë të tëra. Forcat mbrojtëse të Zelandës së Re u mobilizuan për të ndihmuar me evakuimet dhe strehimoret e emergjencës u ngritën në të gjithë qytetin.