Situata e zjarrit në Dropull të Gjirokstrës është përkeqësuar pasditen e sotme.
Bëhet me dije se zjarri i ndihmuar edhe nga era është përhapur me shpejtësi dhe tashmë i është afruar tre fshatrave. Mësohet se këtë moment zjarri është shumë pranë banesave në fshatrat Luga dhe Gorricë.
Pritet që edhe kësaj herë të vijë një helikopter nga Greqia që të ndihmojë me shuarjen e zjarrit nga afër, për të shpëtuar banesat.
Nuk është hera e parë që helikopterë nga Greqia i vijnë në ndihmë Shqipërisë, pasi e njëjta gjë ndodhi edhe disa javë në parë në Ishullin e Sazanit.
