Tirana
few clouds
21 ° C
21 °
21 °
49 %
3.1kmh
20 %
Pre
24 °
Sht
25 °
Die
27 °
Hën
26 °
Mar
26 °
E premte, 7 Maj, 2021
spot_img

Përgjimet e ‘Bild’, reagon kandidati i PS në Shijak: Jap dorëheqjen po u vërtetua se kam ndërhyrë për gjobën

spot_img

Lajme të ngjashëm

43cfea17c189b23c5c6e525184ad6cdb

Kryetari i Partisë Socialiste në Shijak, njëkohësisht kandidati i PS për kryetar Bashkie në këtë qytet, Elton Arbana ka reaguar për mediat pas publikimit të një përgjimi nga “dojsa 339” ku dëgjohet teksa komunikon me Astrit Avdylajn, i akuzuar si pjesëtar i bandës së Avdylajve.

Në një intervistë për Report TV, ai mohon të ketë ndërhyrë për heqjen e një gjobe të vendosur nga një inspektor i INUK, për të cilën i ankohet në bisedën e përgjuar Astrit Avdyli.

Arbana ka thënë se është i gatshëm të dorëhiqet nëse vërtetohet që ka ndërhyrë për heqjen e gjobës.

Pjesë nga përgjimi:

Astrit Avdylaj: A e di ku e kisha hallin unë? A e njef atë drejtorin e INUK-t ti e?

Elton Arbana: E njof mo, Dallandyshja

Astrit Avdylaj: Ore leje Dallëndyshen ti, këtë të Durrësit.

Elton Arbana: Artur Çela, i Bashkisë së Durrësit, i Vangjushit.

Astrit Avdylaj: Po merre o vlla se ska qenë aty Vangjushi, ka shku ka vënë gjoba në fermë të Sukthit. Merre o vlla, thuj o by****ir thuj ke shku aty ke vënë gjoba ka 5 milion. Vangjushi s’është aty është në Zvicër ne Edin

Elton Arbana: Ke nai emër konkret? Kujt i ka von

Astrit Avdylaj: Kujt konkret? Thuj ke vonë gjoba në Fermë, ktheje gjobë. Se nuk është aty Vangjushi. Je tu bo gabim thuj or pis.

Intervista e Elton Arbanës për Report Tv:

Përshëndetje! E keni ndjekur materialin besoj, që ju përfshin edhe ju, keni një koment?
Tani sapo e ndoqa nga mediat, unë jam kryetar i PS-së dhe kam komunikim me telefon me shumë qytetarë të Shijakut, por ju them se kryetari i partisë nuk ka akses në asnjë institucion. Bën vetëm detyrën administrative të partisë.

Ju kërkohet nga Astrit Avdyli që të ketë një ndërhyrje në një gjobë që i është vënë
Ai më ka bërë me dije që dikush i ka vënë një gjobë, që nuk ka fare akses me mua. Në atë institucion nuk kam pasur të drejtë në atë kohë kur ai thotë për një gjobë

Por ju ka përdorur ju?
Absolutisht, unë nuk kam ndërhyrë në asnjë vend, nëse vërtetohet, atëherë unë jap dorëheqjen nga nga cdo lloj funksioni

Si e njihni ju Astrit Avdylin?
Si një qytetar të Shijakut, sikur njoh shumë të tjerë

Sa herë keni drekuar apo keni qenë bashkë, a ka ndikuar ai te kandidatura juaj?
Absolutisht…kandidimi im lidhet në këto momente që zotëria është pas hekurave, nuk ka asnjë lidhje. Kandidimi im ka ardhur natyrshëm, si rezultat, se jam i dashuruar pas Shijakut. Prandaj kanë menduar që të jem unë kandidatura për zgjedhjet.

Mendoni se do të ketë kosto për ju?
Unë mbaj përgjegjësi për pjesën që më takon mua dhe pjesën e përgjimit, sapo e kam dëgjuar dhe ju jeni të parët që po u hap telefonin. Isha duke ecur në timon dhe nuk kisha dijeni për asgjë. Pashë te ajo bisedë ai më ka bërë me dije dicka të tillë dhe unë nuk kam asnjë lloj gjëje në këtë mes.

Vihej re një farë afrimiteti, por nuk na takon ne që ta…
Në cilësinë e kryetarit të partisë, nuk ka asnjë akses në institucione, bën detyrën administrative. Nëse vërtetohet se unë kam ndërhyjë në atë të ashtëquaturën gjobë jap dorëheqjen.

A ka dhënë kontribut Avdyli për PS-në, a ju ka ndihmuar?
Edhe unë edhe ju, keni nga një votë, shkojmë në votime dhe votojmë, kaq është kontributi, i Astritit ka qenë… nuk e di a ka shkuar apo jo në votime njëherë në radhë të parë, nuk e kam idenë, por normalisht ka dhënë votën e tij, por se si për cilën parti nuk e di, atë e di ai, nuk më takon mua.

spot_img

Më shumë

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Lajmet e fundit

spot_img
spot_img
spot_img
spot_img