Tirana
overcast clouds
9.5 ° C
9.5 °
9.5 °
76 %
1kmh
90 %
Mar
10 °
Mër
10 °
Enj
12 °
Pre
9 °
Sht
9 °
E martë, 7 Dhjetor, 2021
spot_img

Përfundon procesi i legalizimeve në zonën e Lanabregasit, Tiranë

digitalb
spot_img
spot_img

Lajme të ngjashëm

Drejtori i Përgjithshëm i Kadastrës Artan Lame, i shoqëruar nga drejtoresha Rajonale Tirana-Rurale, Risena Xhaja, ishin sot në Lanabregas të Tiranës për të përmbyllur procesin e legalizimit në këtë zonë kadastrale.

Kësaj rradhe Kadastra Shqiptare përdori një metodikë të re në procesin e punës, duke e fokusuar vëmendjen për rreth 1 muaj në këtë zonë edhe përmes mbajtjes së një zyre të lëvizshme në territor gjatë gjithë kësaj periudhe. Kjo u bë me qëllim që e gjithë zona të perpunohet në mënyrë shteruese dhe, nga ana tjetër, për të ndihmuar dhe asistuar qytetarët në të gjitha problematikat e tyre në çështjet e pronësisë.

Kjo eksperiencë e re dha rezultatet e veta të mira dhe në vijim do të zgjerohet më tej jo vetëm në Tiranë, por edhe në zona të tjera të vendit.

Në rastin e Lanabregasit u mbyll procesi i legalizimeve për rreth 410 objekte, ndërsa ajo që mbeti problem për këtë zonë është prania e rreth 45 objekteve pa leje të identifikuara në terren nga ana e punonjësve të kadastrës, por që rezultojnë të mos kenë kryer vetëdeklarimin asnjëherë. Në këtë çështje, drejtori Lame u shpreh para banorëve që vetëdeklarimi është hapi i parë dhe i vetëm që kërkohet nga banori për të shprehur vullnetin dhe dëshirën e tij për legalizimin dhe pa të cilin nuk mund të vijohet asnjë hap i mëtejshëm.

Pjesë e procesit të djeshëm në Lanabregas ishte edhe legalizimi i një pallati të ndërtuar që në vitin 2009 dhe braktisur nga subjekti ndërtues EMED Construction, pallat i cili ishte tërësisht i banuar. Nga procesi i legalizimit të tij përfituan 42 familje, banore të tij.

Megjithëse gjatë viteve të fundit në zonën e Dajtit dhe Qesarakës janë legalizuar rreth 75 pallate të braktisura nga ndërtuesit, ka ende shumë pallate që vuajnë këtë fenomen shoqërues të tranzicionit shqiptar.

Nga momenti i përfundimit të procesit të legalizimit, qytetarët janë të ftuar të aplikojnë në portalin e-Albania për të marrë në rrugë elektronike certifikatën e pronësisë.

241575825 841550383212055 925805472128078024 n
spot_imgspot_img

Më shumë

spot_img
spot_img
digitalb
spot_img
spot_img