Tirana
broken clouds
15.5 ° C
15.5 °
15.5 °
67 %
2.1kmh
75 %
Pre
16 °
Sht
16 °
Die
13 °
Hën
16 °
Mar
16 °
E premte, 2 Dhjetor, 2022

Përfundojnë takimet me liderët e Kosovës, Escobar: Na siguruan që s’duan dhunë më 1 shtator! Lajçak: BE është e shqetësuar

spot_img

Lajme të ngjashëm

I dërguari i SHBA-ve Gabriel Escobar, ka folur për media pas takimit që pati me presidenten Vjosa Osmani dhe kryeministrin Albin Kurti, të cilët i takoi ndarazi bashkë me emisarin sllovak, Miroslav Lajçak. Të dy zyrtarët e lartë janë angazhuar për dialogun me Serbinë.

Escobar ka thënë se liderët kosovarë e kanë siguruar që nuk duan përshkallëzim të situatës më 1 shtator, ditë kjo kur fillon implementimi i masës së reciprocitetit për targa dhe dokumente të hyrje-daljeve me serbët.

“Ata na siguruan se nuk duan asnjë përshkallëzim, nuk duan dhunë në 1 shtator. Pra, tani jemi këtu sot për t’u siguruar që të gjitha ato dëshira të mira dhe gjithë ai optimizëm të përkthehen në të mirë të vendit”, ka thënë i dërguari i SHBA.

Ndërkohë, Miroslav Lajcak ka thënë se përmes vizitës në Kosovë me Gabriel Escobar kanë dashur të dërgojnë mesazhin se ka unitet mes Brukselit dhe Uashingtonit dhe se komuniteti ndërkombëtar është i shqetësuar me atë që ndodhi më 31 korrik.

“Mesazhi më i rëndësishëm është se jemi këtu me Gabriel Escobarin pikë së pari për të treguar se uniteti midis BE-së dhe SHBA-së është i plotë dhe nuk mund të jetë më i mirë. Ne po punojmë së bashku sa i përket normalizimit të raporteve midis Kosovës dhe Serbisë. Dhe së dyti, komuniteti ndërkombëtar është shumë i shqetësuar lidhur me atë që pamë në terren më 31 korrik.

Dhe pritet nga ne së bashku, ne si negociatorë dhe nga liderët e Kosovës dhe Serbisë që të mos lejojmë që kjo të përsëritet më 31 gusht dhe prandaj jemi këtu”, është shprehur Miroslav Lajçak, i dërguari i Bashkimit Europian për dialogun Kosovë-Serbi.

Më shumë




spot_img








spot_img