Hapësire reklamuese

Aktualitet

Përfundimi i takimit të Bashës me aleatët, opozita e bashkuar: Reforma zgjedhore e domosdoshme për zgjidhjen e ngërçit politik

Shkruar nga Newsbomb
Kreu i PD Lulzim Basha dhe aleatet opozitare

Ndërkohë që takimi i kreut të PD, Lulzim Basha me aleatët opozitar në selinë blu ka përfunduar, janë zbardhur edhe diskutimet e takimit. 

Mësohet se kryedemokrati së bashku me aleatët kanë rënë dakord që e vetmja rrugë për të dalë nga kriza janë zgjedhjet e parakohshme, të cilat mund të bëhen vetëm me reformën zgjedhore.

Sipas opozitës së bashkuar e keqja e vendit mbetet kryeministri Edi Rama dhe se plotësimi i kushteve të Bundestagut janë rruga e zgjidhjes së krizës.

PD dhe aleatët e saj janë shprehur se me kryeministrin Edi Rama në krye të qeverisë dëmtohet interesi kombëtar për nisjen e negociatave me Bashkimin Europian.

Kujtojmë se ditën e sotme kreu i Partisë Demokratike, Lulzim Basha, i ka kërkuar shefit të qeverisë, Edi Ramës që të japë dorëheqjen pas dështimit me negociatat me BE-në siç veproi edhe homologu i tij në Maqedoninë e Veriut, Zoran Zaev.

Basha theksoi se qeveria duhet të mbajë përgjegjësi për dështimet e saj dhe t’i kthejë mandatin popullit.

Bëhet me dije se tashmë agjenda kryesore e opozitës së bashkuar është bindja e ndërkombëtarëve në procesin e integrimit të Shqipërisë në BE.

Përveç krijimit të Gjykatës së Lartë dhe Gjykatës Kushtetuese si kusht nga ndërkombëtarët është edhe reforma zgjedhore.

Drejtori i ri për Europën Qendrore dhe Jugore ne departamentin amerikan, Dave Kostelancik ka kërkuar që Reforma Zgjedhore duhet të përfundojë deri në fund të këtij viti.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.