Në vijim të operacionit të djeshëm në Sarandë, ku u arrestuan shefi i Urbanistikës në Bashkinë e qytetit, juristja dhe noteri, ditën e sotme janë shpallur ne kërkim dy biznesmenë.
Behar dhe Bedri Mucobega, përkatësisht 40 dhe 51-vjeç, akuzohen se kanë përfituar truall përmes dokumenteve të falsifikuara.
Behar Muçogega akuzohet për “falsifikim dokumentesh”, ndërsa i vëllai, Bedri Muçogega për “pastrim të produkteve të veprës penale ose veprimtarisë kriminale”.
Bëhet me dije se Policia vazhdon kërkimet për kapjen e këtyre dy shtetasve.
Mësohet se po ashtu ditën e sotme është lëshuar një tjetër urdhër ndalimi nga Prokuroria e Sarandës.
Bëhet fjalë për ish-Drejtorin e ASHK Sarandë, Ardian Kola, i cili është shpallur në kërkim. Ai ka firmosur certifikatat e pronësisë për trojet e përfituara me dokumente false.
Ardian Kola ka drejtuar ASHK Sarandë për periudhën maj 2019-korrik 2020, ka qenë edhe kryetar i Partisë Socialiste në periudhën maj 2018 – tetor 2020.