Një ngarkesë prej 650,000 fuçi nafte nga Venezuela është gati të lundrojë drejt Italisë, duke dërguar kështu eksportin e parë të naftës së papërpunuar nga vendi i sanksionuar nga SHBA, në Evropë pas dy vitesh.
Departamenti Amerikan i Shtetit i dërgoi një letër kompanive Eni-s dhe Repsol-it të Spanjës, në maj duke i autorizuar ata të rifillonin marrjen e naftës së papërpunuar nga Venezulela, si një mënyrë për të shlyer miliarda dollarë borxhe të papaguara që i detyrohen vendit anëtar të OPEC-ut.
Sipad medieve tëhuaja, kjo ngarkesë pritet të dorëzohet nga kompania shtetërore e Venezuelës “PDVSA”, gjatë këtij muaji, me një opsion që kompania italiane, “Eni” t’i shesë një pjesë të naftës së papërpunuar Spanjës për rafineritë e saj në Cartagena dhe Bilbao.
Eksportet e naftës në Venezuelë në maj ranë në nivelin më të ulët në 19 muajt e fundit, për shkak të ndryshimeve të kontratës të zbatuara nga PDVSA, për të kaluar shumicën e shitjeve spot në parapagim, duke reduktuar rrezikun e ngarkesave të papaguara.
Ndryshimi nuk ndikoi klientët në marrëveshjet e shkëmbimit të pagesës së borxhit.
Kompanitë evropiane, aziatike dhe amerikane që operojnë sipërmarrje të përbashkëta me PDVSA në Venezuelë, duke përfshirë kompanitë “Eni”, “Repsol”, “Chevron”, “ONGC Ltd” dhe “Maurel & Prom”, kanë grumbulluar miliarda dollarë borxhe në pritje që kur qeveria e Presidentit të atëhershëm të SHBA Donald Trump, pezulloi shkëmbimet e naftës venezueliane me karburant dhe pagesat e borxhit.