Meta, kompania amë e rrjetit social, Facebook, ka pësuar rënie të të ardhurave për herë të parë.
Ky fakt shënon epokë të re për Facebook-un, që vazhdimisht ka raportuar për rritje prej vitit 2012.
Parashikimet për muajt vijues nuk kanë treguar shenja të përmirësimit dhe themeluesi i Facebook-ut, Mark Zuckberberg, ka thënë se kompania planifikon të fokusohet në periudhën afatgjatë.
Të ardhurat totale të Meta ranë 1% në 28.8 miliardë dollarë (23.7 miliardë paund), por kompania shmangu një rënie të përdoruesve. Analistët kanë frikë se rritja e kompanisë mund të ketë arritur kulmin pas vitesh fitimesh të mëdha.
Rivalë të tillë si TikTok kanë gërryer popullaritetin e tij, ndërsa më shumë firma po konkurrojnë për shpenzimet e reklamave.
Meta, e cila zakonisht komandon më shumë se 20% të tregut global të reklamave, paralajmëroi investitorët se shitjet e reklamave ka të ngjarë të bien përsëri në muajt në vijim, pasi shpenzimet e tregtisë elektronike bien nga bumi i saj pandemik dhe kompanitë janë të shqetësuara për inflacionin dhe luftën në Ukrainë.