Tirana
clear sky
8.5 ° C
8.5 °
8.5 °
93 %
1.5kmh
0 %
Pre
11 °
Sht
16 °
Die
13 °
Hën
15 °
Mar
16 °
E premte, 2 Dhjetor, 2022

Për cilin nga politikanët keni opinion pozitiv? Patozi komenton sondazhin: Tregon depresionin e Shqipërisë së sotme

spot_img

Lajme të ngjashëm

Astrit Patozi ka komentuar së fundmi sondazhin e Eduard Zaloshnjës i cili ka parashikaur se si do të përfundojë beteja mes mazhorancës dhe partive opozitare në zgjedhjet e 2023.

Sipas Patozit ky rezultat tregon qartë depresionin e Shqipërisë së sotme. Ai shkruan se asnjë nga krerët e partive politike në vendin tonë nuk do të jenë fitues pasi në sondazh vihet re një përqindje tepër e ulët e pjesëmarrësve dhe se shumica e tyre nuk kanë votuar as kryeministrin Edi Rama, as kreun e PD Sali Berishën dhe as kryetarin e PL, Ilir Metën.

Më tej ai shton se mospranimi i “të keqes” është e pamjaftueshme për të sjellë ndryshimin, mirëpo ky është një sinjal duke lënë të kuptohet se këtu ka diçka për të bërë politikisht në funksion të një vizioni të ri, i cili nuk ka lidhje me gjendjen në të cilën jemi sot.

Postimi i plotë:

“ASNJË NGA KËTA” ËSHTË FITUESI I SOTËM I ZGJEDHJEVE NË SHQIPËRI

Për të kuptuar depresionin e Shqipërisë së sotme, mjafton të shohësh sondazhin e fundit të Zaloshnjes. Është kjo arsyeja pse shumica e udhëheqësve dhe e filozofëve tanë bënë sikur nuk e panë, ndërsa ata të zakonshmit, që përkthejnë më shumë nga shqipja në shqip, se sa nga gjuhët e tjera, e lexuan si gjithmonë me syzet e tyre.

Duket qartë se ka shkuar në zgrip mbështetja për trekëndëshin e dinosaurëve, që alternojnë prej dekadash pushtetin në Shqipëri, ndërkohë që është rritur frikshëm masa e atyre që nuk besojnë tek asnjëra prej partive kryesore.

Shqiptarët, që kanë votuar asnjërin prej tyre, janë praktikisht sot fituesit e zgjedhjeve në Shqipëri, por ky nuk është domosdoshmëriaht një lajm i mirë.

Vetëm mospranimi i së keqes si formë reagimi shoqëror ëahtë i pamjaftueshëm për të sjellë ndryshimin. Sepse kjo është një shumicë e papërfaqësuar dhe nuk ka asnjë vlerë rritja e vëllimit të saj, nëse ajo do të vijojë të mbetet e pagojë dhe në kufinjtë e vetëm refuzimit.

Por ky është një sinjal për gjithëkënd, që ka diçka për të thënë e për të bërë politikisht në këtë vend në funksion të një vizioni të ri, që nuk ka lidhje me kënetën, ku gjendemi sot. Që do të thotë se njerëzit, të cilët po presin një projekt të ri politik janë sot më shumë se asnjëherë tjetër, ndaj nuk ka asgjë që e justifikon hezitimin.

Ndonëse politika nuk është sport kaq i lehtë për t’u ushtruar, kjo është koha ideale për t’i zgjuar dhe për t’i bërë bashkë ata që duan realisht të përfaqësojnë një Shqipëri të ndryshme nga ajo e atyre të treve, që ua kanë vështirosur njerëzve atdheun e tyre.

Ndryshe, u bie më mirë që të shohin hallet veta dhe nëse e kanë pasion, të shohin filma me luftë false çdo të enjte nga parlamenti i statuskuosë së kryetarokracisë.

Në mos kanë edhe një mundësi tjetër, të mbyllin gojën, të ulin kokën dhe të rreshtohen në një prej 3 garnizoneve të vjetra politike, me shpresën se një ditë udhëheqësi i pagabueshëm do të kujtohet për t’i gostitur me ndonjë kockë, si gjithë të tjerët.

Sepse “asnjë nga këta” është mesazh për ata që kuptojnë dhe guxojnë politikisht, por nuk është opsion në fletën e votimit, që mund ta rrëzojë sistemin tonë të kalbur nga korrupsioni dhe abuzimi me pushtetin.

Më shumë




spot_img








spot_img