Ministri i Mbrojtjes Niko Peleshi thotë se në Gjirokastër janë eleminuar vatrat e zjarrit.
Peleshi shkruan në Facebook, se falë punës së forcave ushtarake, zjarrfikëseve dhe forcave të tjera të Bashkisë, të cilat ai i falenderon, është bërë e mundur shuarja e vatrave të zjarreve.
Tashmë, thotë Peleshi, kërkohet vigjilencë dhe bashkëpunim me komunitetin.
“Dielli lind përsëri në Gjirokastër. Pas një nate mes zjarresh, falë punës së palodhur dhe me sakrifica te Forcave të Armatosura, forcave zjarrfikëse dhe forcave të tjera të Bashkisë Gjirokastër, vatrat e zjarrit janë eliminuar. Vazhdojmë vigjilencën dhe kërkojmë bashkëpunim komunitar për të identifikuar zjarrvënësit e qëllimshëm”, shkruan ministri Peleshi në rrjetet sociale.