Hapësire reklamuese

Aktualitet

PD zbulon skenarin, ja çfarë do bëjnë militantët e maskuar me dyshek përpara Kryeministrisë

Shkruar nga Newsbomb

Ndërkohë që janë mbledhur protestuesit e parë përpara Kryeministrisë, vihet re se kanë sjellë edhe një dyshek.

Sipas Partisë Demokratike, simbolet e protestës së sotme janë frymëzuar nga përgjimet e dosjes 339 dhe 184, të vjedhjes së zgjedhjeve nga Edi Rama në bashkëpunim me krimin dhe me njerëzit e tij të korruptuar në qeveri, polici, administratë.

‘Një krevat i madh, ku qëndrojnë të rinj me portretet e Edi Ramës dhe të personave me të cilët ai ka bashkëpunuar si një organizatë kriminale për të vjedhur zgjedhjet. Poshtë emrit të Edi Ramës është nofka Babloku, siç e thërrasin kriminelët me të cilët ai bashkëpunon. Imer Lala thirret babloku i vogël, kriminel i lindur, Damian Gjinuri është cilësuar me ironi si guru, për shkak të lidhjeve misterioze me një personazh misterioz indian, Saimir Tahiri quhet El Chapo si bosi i kartelit më të fuqishëm meksikan të drogës. Vangjush Dako tallet me nofkën “akullorja”, siç e thirri veten në zhargon për të treguar se është i pastër nga lidhjet me krimin. Erion Veliaj është quajtur me ironi Fiku, për shkak të historisë që tregon për t’u viktimizuar dhe Arben Keshi, perosni që del në përgjime me Ramën duke i garantuar zbatimin e skemës për vjedhjen e zgjedhjeve në Dibër’, thotë PD.

Kujtojmë që kjo është protesta e nëntë kombëtare e opozitës, e cila nga paralajmërimet është thënë se do të jetë paqësore.

Lexo gjithashtu

Sondazh

Poll