Sekretari i Përgjithshëm i Partisë Demokratike, Gazment Bardhi, ka thënë se Partia Socialiste dhe koalicioni “Shtëpia e Lirisë” mbështeten nga persona të cilët janë shpallur “ Non Grata” nga SHBA, për korrupsion.
Më tej Bardhi thekson se sulmi i sotëm ndaj SHBA është solidarizim me non gratat e kryeministrit Edi Rama.
Ky reagim i Bardhit ka ardhur pas deklaratave të ambasadores Yuri Kim e cila pyeti kandidatët çfarë u ofrojnë votuesve në një kohë kur sponsori i tyre është non grata.
“2 nga 3 palët në këto zgjedhje, PS dhe “Shtëpia e Ilirit” kanë mbrapa njerëz të shpallur non grata nga SHBA për korrupsion.
Vangjush Dako është shefi politik dhe drejtuesi i fushatës së kandidates së PS në Durrës.
Tom Doshi, është shefi politik dhe drejtues i fushatës së kandidates së PS në Shkodër.
Sali Berisha është shefi politik i 6 kandidatëve të tjerë të Shtëpisë së Ilir Metës.
Sulmi i sotëm ndaj SHBA është solidarizim me non gratat e Edi Ramës. Hall i përbashkët, sjellje e përbashkët!", shkruan Bardhi.