Hapësire reklamuese

Çështjet kryesore

Politikë

PD kallëzon në SPAK kryebashkiakun e Elbasanit, Gledian Llatja

Shkruar nga Newsbomb
PD kallëzon në SPAK kryebashkiakun e Elbasanit, Gledian Llatja
Kryebashkiaku i Elbasanit Gledian Llatja

PD nëpërmjet Sekretarit Gazment Bardhi, ka kallëzuar në SPAK kryebashkiakun e Elbasanit, Gledian Llatja, me akuzën për “shpërdorim të detyrës”.

Bëhet fjalë për kontratën e partneritetit publik privat që i mundëson kompanisë private ndërtimin e Kullave në lulishten pranë Bashkisë së Elbasanit.

Sipas Partisë Demokratike, me veprimet e paligjshme të kryebashkiakut Llatja, është favorizuar kompania private, duke falur tokë publike për ndërtimin e Kullave në qendër të qytetit të Elbasanit.

“Nëpërmjet veprimeve dhe mosveprimeve të paligjshme, Kryetari i Bashkisë Elbasan, ka dëmtuar interesin publik, duke i shkaktuar një dëm të madh ekonomik Bashkisë Elbasan, në të paktën 8.3 milion euro, duke konsumuar elementët e veprës penale “shpërdorim i detyrës”, thuhet në kallëzimin e PD.

Konkretisht, në kallëzimin penal thuhet se nga zbatimi i kontratës së partneritetit publik privat Bashkia po përfiton vetëm 2648 m2 sipërfaqe të re ndërtimi, ndërkohë që duhet të kishte përfituar 14 560 m2. Në këtë mënyrë, institucioni i Bashkisë ka humbur një sipërfaqe prej 11, 912 m2, ose rreth 8.3 milion euro, thotë PD.

kallzim_penal.jpeg

Lexo gjithashtu

Sondazh

Poll