Hapësire reklamuese

Çështjet kryesore

Aktualitet

PD-ja ‘masakron’ qeverinë: 120 milionë € vetëm për miqtë e Ramës, asnjë rritje rroge

Shkruar nga Newsbomb
Lista me konçesionet e miratuara për vitin 2020 (vlera 120 milionë euro)

Partia Demokratike sulmon ashpër qeverinë për miratimin e dhënies së 120 milionë € për disa prej biznesmenëve më të fuqishëm në vend, ndërsa nuk garantohet asnjë ndihmë apo lehtësim për qytetarët, as rritje rrogash.

Nëpërmjet këshilltarit për ekonominë në PD Dorian Teliti, selia blu thekson se Komisioni i Ekonomisë dhe Ministria e Financave garantuan mbështetjen për oligarkët e Shqipërisë, të cilët i konsiderojnë klientë dhe miq personalë kryeministrit Rama.

Komisioni i Ekonomisë kaloi sot projekt-buxhetin e 2020, ku janë dhënë me konçesion ndërtimet e disa akseve rrugore më të mëdha në vend si: Rruga e Arbrit (rreth 32 milionë €), etj.


Deklarata e Këshilltarit të Ekonomisë në PD Dorian Teliti:  

Parlamenti u tall sot me djersën e shqiptarëve, duke mbrojtur dhe duke votuar në komisionin e ekonomisë buxhetin e vënë në shërbim të koncesioneve korruptive të disa oligarkëve.

Edhe ky buxhet konfirmon se qeveria nuk ka prioritet qytetarët, por një grusht miqsh e klientësh të Edi Ramës, që po pasurohen duke grabitur paratë e shqiptarëve.

Janë 120 milionë euro që do t’u paguhen financuesve të Edi Ramës përmes koncesioneve që i kanë marrë pa garë, pa transparencë dhe në kundërshtim me interesin publik.

Kjo është qeveria që shikon vetëm interesin e xhepit të vet dhe është qeveria e vetme, të paktën në rajon, që nuk ka asnjë politikë zhvillimore, asnjë politikë lehtësuese për qytetarët dhe ekonominë e vendit.

Qëndrimi i ministres së Financave në komisionin e ekonomisë dhe paraardhësit të saj vetëm sa rikonfirmuan faktin se ata, njësoj si Edi Rama, i shërbejnë disa oligarkëve që pasurohen me paratë e shqiptarëve dhe nuk duan t’ia dinë për shqiptarët e zakonshëm që jetojnë me djersë.

Ky buxhet nuk siguroj rritje reale për 650 mijë pensionistë.

Në vend të mbështetjes së qytetarëve, Edi Rama do t’u japë klientëve të vet vetëm në një vit me koncesione 120 milionë euro.

Këto janë një grusht kontratash PPP, te cilat, siç shprehet Banka Europiane për Rindërtim dhe Zhvilim, në raportin e saj te fundit, janë kontrata të pabazuara në studime fizibiliteti, janë me kosto te larta sociale dhe u janë dhënë pa konkurencë firmave pa kapacitete të mjaftueshme financiare.

Ndërkohë që qeveria do të paguajë 30 milionë euro me shume sesa viti aktual për këto kontrata PPP, pa e vrarë dhe pa u shqetësuar, qeveria nuk nguron te uli fondet për investimet e nevojshme publike në rruge, ujësjellës kanalizime, arsimin e mesëm profesional dhe të tjera programe te rëndësishme buxhetore.

Kur Partia Demokratike të marrë besimin e shqiptarëve me zgjedhje të lira e të ndershme, çdo koncesion dhe PPP korruptive do të anullohet!

Paratë që u janë vjedhur shqiptarëve do të shkojnë për rimëkëmbjen e ekonomisë së shqiptareve te ndershem qe e duan Shqipërinë dhe duan ta ndërtojnë të ardhmen e tyre këtu, ne vendin e tyre.

Lexo gjithashtu

Sondazh

Poll