Drejtori i fushatës së PD-së për zgjedhjet e 25 prillit, Alfred Rushaj ka publikuar në rrjete sociale disa foto, ku shihen qytetarë në zyrat e PS në njesinë nr.8.
Ai thotë se deputeti Ervin Bushati po shpërndan atje trasta me ushqime bazike për qytetarët në nevojë, duke përfituar prej varfërisë dhe duke i “gënjyer” ata në këmbim të votës.
Ai e konsideron këtë një korrupsion të funksionarëve socialistë që në vend që të shpalosin programin, shpërndajnë ushqime për të lypur një votë.
Denoncimi i PD
Një votë sa një lëmoshë.
Ervin Bushati, nga dëshpërimi, shpërndan lëmoshë për socialistët në nevojë të cilët ndihmën ekonomike duhet ta marrin nga njësitë administrative dhe jo zyrat e PS-së.
Është mjerane të shohësh se si shqiptarët e varfër sa s’ka mblidhen rreth zyrës së PS-së në njësinë 8 për një trastë me miell, oriz, makarona e vaj. Kaq vlen një votë e lypur nga rilindasit?!
Pamjet tregojnë qartazi paaftësinë dhe korrupsionin e funksionarëve socialistë që në vënd të shpalosin programin për njerëzit në nevojë e tërë shqiptarët, shpërndajnë ushqime që s’dalin as për një ditë.
Kjo është fytyra e humbjes, fytyra e Rilindjes.
Shqipëria fiton me Partinë Demokratike dhe Lulzim Bashën kryeministër.
#ditëmëtëmira @ Tirana, Albania