Ish-kryetari i Bindjes Demokratike, Astrit Patozi, ka reaguar pas dorëheqjes së Grida Dumës nga posti i deputetes.
Ai shkruan se lajmi nuk është largimi i tyre, por arsyeja se përse po largohen këta deputetë. Me anë të një postimi në rrjetet sociale Patozi shkruan se çfarë po ndodh në PD që deputetët po largohen me “tufa”.
Postimi i plotë i Patozit:
LAJMI ËSHTË PSE PO IKIN
Po shoh se si po vrapojnë të gjithë për të gjetur se me kë do të bëhen zevendësuesit e Alfred Rushajt dhe Grida Dumës nga lista grupit parlamentar të PD, me foltoren e Doktorit apo me antifoltoren e “Alibashës”.
Ndërkohë që lajmi është se çfarë ka ndodhur në atë parti, prej të cilës edhe deputetët po largohen në tufa.
Saqë ngjasojnë me ata shqiptarët e dëshpëruar që lënë atdheun përditë duke kaluar La Manshin me gomone, pa e kthyer fare kokën mbrapa.
Për frymë popullsie i bie që më shumë po ikin demokratë nga parlamenti, se sa shqiptarë drejt Anglisë.