Policia e Londrës ka sekuestruar një sasi rekord parash në kriptomonedha, si pjesë e një hetimi për pastrim parash të grupeve kriminale.
Policia Metropolitane njoftoi sekuestrimin e plot 210 milion euro në kriptomonedha këtë të premte. Ndërsa vetëm dy javë më parë u sekuestrua një tjetër shumë e madhe prej 133 milion euro në kriptomonedha.
Policia tha se ky është sekuestrimi më i madh i kriptomonedhave që ata kanë bërë ndonjëherë, dhe ndoshta sasia më e madhe e sekuestruar ndonjëherë në të gjithë botën.
Një zëdhënës i policisë londineze tha se gjithnjë e më tepër, grupet kriminale po përdorin kriptomonedhat për pastrimin e parave.
Një femër 39-vjeçare u arrestuar me akuzat e pastrimit të parave lidhur me sekuestrimin prej 210 milion euro në crypto.
Ndonëse në pjesën më të madhe kriptomonedhat garantojnë anonimitet, kjo nuk i ka ndaluar qeveritë “të fusin duart” për të kryer sekuestrime apo arrestuar keqbërës që kanë aktivitet në këtë fushë.
Sondazh
Lexo gjithashtu
