Një ditë pas ngjarjes së rëndë në Përmet, ku 82-vjeçari Leonidha Peçi vrau me shkop gruan e tij Afrovitin, ka folur gruaja që punonte në shtëpinë e të moshuarve.
Ajo është shprehur në emisionin “Me zemër të hapur” në Neëw24 se nuk paguhej, por se shkonte i ndihmonte pasi i vinte keq dhe shpesh iu dërgonte ushqime.
Gruaja tha se e kishte telefonuar vetë 82 vjeçari duke i thënë se e moshuara ishte rrëzuar dhe kishte humbur jetën.
“Më njoftoi vetë Leonidha. Unë shkova pashë që kisha gjak dhe informova infermieren e fshatit. Ajo njoftoi policinë. Unë shkoja në mëngjes në orën 8:00 iu çoja qumështin. Biseda e fundit me Afrovitin ishte si gjithmonë, nuk më tregoi asgjë. Nuk isha e punësuar. Ndonjëherë iu çoja dhe gjellë se ishin vetëm.
Kur u çova qumështin ishin të dy bashkë. Ishin si gjithnjë. Iu thosha hajde të hamë bukë dhe ai i tha ‘Afroviti hajde të hamë speca’. Unë nuk paguhesha nga familja, shkoja vetë pa pagesë, pa asgjë. Kur më tregoi, më tha se vdiq. I thashë se nga se vdiq, më tha se ishte rrëzuar, hajde ta ngremë. Unë nuk shkova ta ngrija. Ai ishte i qetë, as nuk qante. Nuk na foli fare mua e infermieres. Infermierja tha se ka mbaruar”, tregoi dëshmitarja e ngjarjes së rëndë.
Theksojmë se i moshuari Leonidha Peçi ndodhet në spital pas arrestimit, pasi ditën e djeshme ka shfaqur probleme me zemrën.
Sondazh
Lexo gjithashtu
