Platon Solis, vëllai ish-ministrit të Shëndetësisë, Leonard Solis, është arrestuar pas një hetimi 1 vjeçar.
Hetimi është kryer nga Drejtoria e Hetimit Tatimor Tiranë në bashkëpunim me Njësinë Task Forcës të Prokurorisë së Rrethit Gjyqësor Tiranë, dhe Solis së bashku me 7 persona të tjerë akuzohen për veprat penale të "Shpërdorim i detyrës", "Fshehje të ardhurash" dhe "Mospagim i taksave dhe tatimeve".
Platon Solis 51 vjeç, kishte funksionin e inspektorit të verifikimit në terren pranë Drejtorisë Rajonale Tatimore Tiranë.
Ndërkohë, vëllai i tij, Leonard Solis ka shërbyer si ministër i Shëndetësisë në dy mandate gjatë viteve 1997 - 2001 dhe 2003- 2005. Ai ka qenë Sekretar i Pergjithshëm e më vonë si anëtar i kryesisë së PBDNJ.