Hapësire reklamuese

Aktualitet

Pas hekurave në Kosovë, SPAK dorëzon dosjen për të kërkuar ekstradimin e Gëzim Çelës

Shkruar nga Newsbomb
Pas hekurave në Kosovë, SPAK dorëzon dosjen për të

SPAK i ka dorëzuar Ministrisë së Drejtësisë  dosjen për të kërkuar ekstradimin e Gëzim Çelës, i cili u arrestua në Kosovë më 8 dhjetor.

Ndërkohë, Ministria e Drejtësisë po përpunon dosjen për t’ia kaluar më Ministrisë së Drejtësisë në Kosovë. Kjo e fundit pritet të mbajë qëndimin e saj lidhur me ekstradimin.

Ish-oficeri i policisë njohej si ‘Baroni i drogës’për shkak të ‘karrierës’ së gjatë në botën e krimit. Ai ishte shpallur në kërkim ndërkombëtar edhe nga Interpol Roma, Itali, pasi në vitin 2012 autoritetet gjyqësore italiane e kanë dënuar me 19 vjet, 9 muaj e 29 ditë burgim për kryerjen e veprave penale “Organizator i migrimit ilegal” dhe “Organizatë kriminale për shfrytëzim prostitucioni”, parashikuar nga Kodi Penal i Italisë.

Kush është Gëzim Çela?

Deri në vitin 1997 ka qenë oficer i Forcave Speciale të Policisë, por më pas jeta e tij mori një rrjedhë komlet tjetër, duke u kthyer në një nga trafikantët më të mëdhenj që kalonte drogë nga vendet e Lindjes së Mesme në Europë.

Lexo edhe: Del FOTO e Gëzim Çelës, “Baroni i drogës” që i ka shpëtuar disa here drejtësisë

Ai ka qenë i dënuar për “shfrytëzim prostitucioni” dhe njihet si një nga “bosët” e trafikut ndërkombëtar të drogës, ndërsa dyshohet se përdorte vilën e tij në Fushë Kuqe për trafikun e lëndëve narkotike.

Në atë vilë, policia i gjeti 18 kilogramë kokainë dhe 150 kilogram kanabis sativa, ndërsa në qershor të vitit 2014 policia shqiptare dhe ajo kosovare shkatërruan një grup të strukturuar kriminal, i cili trafikonte droga të forta nga Turqia drejt Europës Perëndimore, duke përdorur edhe territorin e Shqipërisë.

Por Çela u lirua nga Gjykata me argumentin se vuante nga një sëmundje e rëndë, por më pas u arrestua se kishte falsifikuar kartelën mjekësore dhe u la në “arrest shtëpie”, por kur policia rrethoi shtëpinë e tij në Mamurras, ai ia kishte mbathur. Për Çelën ekziston edhe një dënim nga Gjykata Italiane me 11 vite burgim dhe 150 mijë euro gjobë.

 

 

Sondazh

Poll

Lexo gjithashtu

Hapësire reklamuese