Pas fitores së Bashës, zbardhet mesazhi i Gazment Bardhit për demokratët: Çfarë do të ndodhë të premten në selinë blu

Pas zgjedhjeve të përgjithshme, PS bën analizën e fitores, PD bën atë të humbjes së 25 prillit dhe të fitores së Lulzim Bashës më 13 qershor.

Pasnesër më 18 qershor do të mblidhet kryesia e PD-së, ndërsa mediat zbardhin mesazhin që sekretari i Përgjithshëm Gazment Bardhi u ka nisur demokratëve.

Në mbledhjen e Kryesisë do të diskutohet analiza në nivel qarku për zgjedhjet e 25 prillit. Gjithashtu në 17 Korrik DO TË THIRRET Kuvendi Kombëtar i PD.

“Të nderuar anëtarë të Kryesisë,

Ditën e premte, datë 18 Qershor 2021, ora 11:00, do të zhvillohet mbledhja e Kryesisë së Partisë, me këtë Rend Dite:

Miratimi i metodologjisë së analizës në nivel Qarku, Dege, Grupseksioni dhe Seksione për maskrën zgjedhore të 25 Prill.

Thirrjen e Kuvendit Kombëtar të Partisë më datë 17 Korrik 2021, dhe miratimi i rendit të ditës së Kuvendit.

Me respekt,

Sekretari i Përgjithshëm Gazment Bardhi,” shkruhet në mesazhin e Bardhit.