Një tjetër moderatore ka vendosur që të largohet nga Top Channel.
Sidorela Gjoni ishte një nga figurat kryesore të Top News, ka drejtuar disa emisione duke përfshirë “Breaking”, ku trajtonte tema nga aktualiteti, bota, politika etj., por duket se eksperienca në Top Channel për Gjonin ka marrë fund.
Pak ditë më parë gazetarja e njohur Eni Vasili është larguar gjithashtu nga televisioni i “Top Channel”, për t’u rikthyer te “News 24”.
Lëvizja vjen vetëm pak ditë pas rokadës, ku nga “News 24” u largua gazetari Sokol Balla i cili mori postin e drejtuesit te top-i.
Kujtojmë se vetem pak ditë pas mbërritjes së Ballës te Top Channel, nga ky ekran u largua emisioni investigativ “Top Story”, çka shkaktoi dhe përplasje me akuza të rënda për shantazh dhe gjobëvënie mes drejtuesve të Top Channel, dhe drejtorit të programit Endrit Habilaj.
Sidorela Gjoni