Tirana
clear sky
18.5 ° C
18.5 °
18.5 °
82 %
1kmh
0 %
Sht
33 °
Die
36 °
Hën
37 °
Mar
39 °
Mër
40 °
E shtunë, 24 Korrik, 2021

Pas deklaratës së Ramës, Shqipëria dhe Serbia përplasen në OKB për Kosovën

spot_img
spot_img

Lajme të ngjashëm

1795fc30348d9180d7d0dcf4b66c16cc

Delegacioni shqiptar në Debatin e Përgjithshëm të Asamblesë në OKB i është kundërpërgjigjur Serbisë, pas fjalimit zyrtar të kryeministrit Edi Rama.

Diplomatët serbë u nervozuan nga thirrja në fjalim për të njohur pavarësinë e Kosovës dhe morën fjalën mbas fjalimit të kryeministrit Rama. Deklarata e tyre mori pastaj përgjigje nga Ambasadori i Shqipërisë në OKB, Ferit Hoxha.

“Kosova është një shtet i pavarur, i njohur nga 110 vende”, tha ndër të tjera ambasadori shqiptar duke vënë në dukje se Kosova nuk ishte më një temë tabu siç po përpiqej ta trajtonte delegacioni serb. “Është anëtare dhe pjesëmarrëse aktive e të gjitha nismave rajonale në Europën JugLindore, pjesë e procesit të Bashkimit Europian për Asocijim dhe Stabilizim ashtu si çdo vend tjetër në rajon”, transmeton Illyriapress.

Ai argumentoi se Kosova ka çimentuar shumë shpejt një “identitetin e saj gjopolitik mbarëbotëror dhe ka qenë një kontribuese e lavdëruar i paqes, qendrueshmërisë dhe bashkëpunimit në rajon”.

Deklarata serbe ishte edhe më absurde sepse siç vuri në dukje ambasadori Hoxha, Kosova dhe Serbia tashmë janë përfshirë në një dialog të suksesshëm që ka sjellë një seri zgjidhjesh praktike për të përmirësuar jetën e njerëzve në të dy vendet.

“…me pavarësinë e Kosovës, rajoni ynë mbylli njëherë e përgjithmonë kapitullin më të hidhur në historinë e tij modern”, tha ambasadori.

Duke përshkruar situatën e krijuar në rajon pas pavarësisë së vitit 2008, ai citoi kryeministrin Rama që kishte thënë në fjalimin e tij para Asamblesë së Përgjithshme se: “…pas qindra vitesh konfrontimi dhe konfliktesh të ngrira e të ndezura në Ballkan, armët nuk kishin më në shënjestër dritaren e fqinjit. Pas një shekulli të damkosur nga konflikti, më në fund ka aguar paqja”.

Ambasadori Hoxha tha se kjo është ajo çfarë soli në rajonin tonë pavarësia e Kosovës.

“Ne e mbështesim tërësisht këtë klimë, kemi kontribuar te ajo me përkushtim dhe këmbëngulje dhe do të vazhdojmë të bëjmë çdo gjë që është e mundur që ajo të mbizotërojë e të zhvillohet më tej”.

Lexo edhe: Kosova përplas SHBA-Rusi, akuza: OKB është nën komandën e Obamës

Më shumë

spot_img
spot_img