Vjen kontestimi i parë i zgjedhjeve parlamentare të 25 prillit, kur procesi i numërimit të votave nuk ka përfunduar ende. Deputeti Lefter Maliqi, pjesë e opozitës së bashkuar në Berat, deklaron se nuk i njeh ato.
Sipas Maliqit, “diçka e tmerrshme po fshihet” dhe votat e tij janë vjedhur. Ky reagim i Maliqit vjen pas publikimit të rezultateve të fundit nga KQZ për Beratin, deri në orën 08.31 të datës 26 prill, kur janë numëruar 84 kuti votimi nga 277 gjithsej, dhe Partia Socialiste kryeson bindshëm.
Shkruan Lefter Maliqi:
Te dashur bashkeqytetaret e mi ne qarkun e Beratit. Une, ne respekt te vullnetit tuaj, nuk i pranoj keto zgjedhje, kurre dhe pike. Votat e mia jane grabitur, jane blere, jane manipuluar, nga krimi dhe mafia,per mua jo vetem ne qarkun Berat por ne gjithe vendin,dicka e tmerrshme fshihet.Rezultati i deritanishem eshte skandaloz dhe i pavertete.
Mbetem me i forte se kurre, besoj qe e verteta do te zbardhet, dhe ndeshkimi do te jete i rende. Vazhdoj me koken lart dhe me besim ne Zot, drejt sfidave reale me fitore kunder krimit, droges dhe mafies.
REZULTATET E FUNDIT, ORA 08:31– 26 PRILL
Partia Socialiste - 12.804 vota
Partia Demokratike - 7.300 vota
Lëvizja Socialiste për Integrim - 2.963 vota