Partia Demokratike ka nisur zyrtarisht punën për të zgjedhur emrat që do të kandidojnë në zgjedhjet lokale të 30 Qershorit, në garën për 61 bashkitë e vendit.
Newsbomb.al mëson emrin e kandidatit të parë për këto zgjedhje, nga rradhët e opozitës.
Kështu në Mallakastër PD ia ka besuar sërish garën për Bashkinë kryetarit aktual Agron Kapllanaj.
Kapllanaj mori drejtimin e Mallakastrës në zgjedhjet e 2015, ndërsa dhe më herët ka qenë i zgjedhuri i PD me sistemin e vjetër të ndarjes administrative territoriale, me Komuna.
Pavarësisht deklaratave se nuk do të futet në zgjedhje apo se me kryeministrin Rama në Qeveri nuk do të ketë zgjedhje, PD ka nisur zyrtarisht përgatitjet për garën e 30 qershorit.