Edhe këtë vit komuniteti LGBT do të zhvillojë një paradë në kryeqytet. Parada është planifikuar në datën 11 qershor. Organizatorë janë Ambasada Pink, LGBT Pro Shqipëri, Shtëpia e të Drejtave të Njeriut dhe Open Mind Spectrum Albania.
Kurse në ditën kundër homofobisë, 17 Maj do të zhvillohen të tjera aktivitete siç është ai i “Panairi i Diversitetit”, ekspozita e leksione të hapura.
“Tirana Pride 2015, do të jetë një ditë solidarizimi me komunitetin e personave lesbike, gej, biseksualë, transgjinorë dhe interseks, të cilët për shkak të diskriminimit historik hasin vështirësi të shumta në jetët e tyre”, bëjnë me dije organizatorët, duke shtuar edhe përpjekjet e vendit për pranimin e diversitetit në vitet e fundit.