Prej ditësh një fotografi e Papa Françeskut i veshur me një xhup të fryrë është përhapur me shpejtësi në rrjetet sociale, duke habitur qindra-mijëra përdorues.
Megjithatë fotografia është rezultat i gjenerimit përmes programeve të inteligjencës artificiale, një teknologji që ka avancuar aq shumë gjatë viteve të fundit, sa që po e bën gjithnjë e më të vështirë për t’u dalluar se çfarë është e vërtetë dhe çfarë jo.
Papa shfaqet me një xhup të bardhë të fryrë të veshur mbi rrobat e tij tradicionale, ndërsa në qafë mban kryqin varur në një zinxhir.
Të shumtë janë ata që e kanë parë fotografinë si qesharake, por të tjerë e kanë patur të pamundur të dallojnë se është jo e vërtetë. Kjo ka bërë që disa përdorues të frikësohen për aftësinë e inteligjencës artificiale.
Vetëm pak ditë më parë, një përdorues i programeve që gjenerojnë imazhe përmes inteligjencës artificiale, arriti të prodhonte disa fotografi realistike ku shfaqej ish-presidenti amerikan Donald Trump teksa arrestohej nga policia.
Making pictures of Trump getting arrested while waiting for Trump’s arrest. pic.twitter.com/4D2QQfUpLZ
— Eliot Higgins (@EliotHiggins) March 20, 2023