Gazetarja e Al Jazeera, Shereen Abu Aqleh, mbeti e vrarë me armë zjarri dje, teksa po raportonte për një operacion të forcave izraelite të sigurisë në qytetin Jenin, në Bregun Perëndimor.
51 vjeçarja u qëllua nga forcat izraelite në Bregun Perëndimor të pushtuar, sipas ministrisë palestineze të shëndetësisë.
Ajo u godit nga një plumb në kokë, ndërsa mbulonte bastisjet izraelite në qytetin e Jeninit dhe u dërgua me urgjencë në spital në gjendje kritike.
Ministri i Jashtëm i Izraelit, Yair Lapid, tha se vdekja e gazetares është një lajm i trishtuar dhe shtoi se i ka propozuar Autoritetit Palestinez që të kryejnë një hetim patologjik për vdekjen e saj.
“Gazetarët duhet të mbrohen në zonat e konfliktit dhe që të gjithë ne kemi përgjegjësi që ta kuptojmë të vërtetën”, shkroi ai në Twitter.
Mediet e huaja publikuan pamjet e vrasjes së gazetares, e cila mbante një helmetë në kokë, por fatkeqësisht nuk u shpëtoi plumbave.
Footage shows the moments of Al Jazeera’s senior reporter Shireen Abu Aqla’s death.
— Ragıp Soylu (@ragipsoylu) May 11, 2022
In appearance, Israeli footage that says there was a Palestinian cross fire doesn’t fit with this location.
She is also wearing a helmet and body armour. pic.twitter.com/fYCMQqxlxf