Deputeti i Partisë Demokratike, Edi Paloka ka akuzuar kryeministrin Edi Rama se i ka dhënë tenderin për ndërtimin e godinës së re të Operatorit të Shpërndarjes së Energjisë Elektrike, mikut dhe ortakut të tij.
Sipas Palokës tenderi ka qenë i paracaktuar dhe i është dhënë sot ndërtuesit të sarajeve të Edi Ramës në Surrel.
Edi Rama i dha 4 miliardë e 540 milionë Lek mikut të tij për ndërtimin e godinës së OSHEE. Edhe pse fituesi ishte paracaktuar , ndërtuesi i sarajeve të Edi Ramës. Ky është një korruspion i pastër me përfshrjen e derjtpërdrejtë të Edi Ramës. Miku, partneri, ortaku i Edi Rames mori tenderin perej 4 miliard e 540 milionë Lek dhe u skualifikua subjekti tjetër edhe pse kishte ofruar 740 milionë lek më pak”, deklaroi Paloka.
Sipas Edi Palokës, kryeministri Edi Rama është i vetmi që vendos se kush do t’i fitojë tenderat.