Ditën e sotme u raportua për një 13 vjeçar që gjeti vdekjen pasi ishte rrëzuar nga ballkoni i një pallati në zonën e “Fushës së Aviacionit” në Tiranë.
Por, sipas Report Tv, kjo nuk është vdekja e vetme te ky pallat, pasi vetëm në tre vitet fundit janë regjistruar pesë të tilla.
Një fëmijë tjetër ka ndërruar jetë pasi është rrëzuar në gropën e ashensorit brenda këtij pallati, ndërsa një 19 vjeçar u rrëzua kur ishte duke rregulluar antenën në ballkon.
Banorët deklarojnë gjithashtu se aty fillimisht ka vdekur një punëtor i cili ka rënë nga skela e më pas një grua ka rënë aksidentalisht nga ballkoni.
Të gjitha këto ngjarje janë konsideruar aksidentale nga policia dhe hetimet janë mbyllur.